चीनमा भवन भत्किँदा ५३ को मृत्यु, १० को उद्धार

सांघाई । चीनको हुनान प्रान्तमा भवन भत्किँदा पुरिएर ५३ जनाको मृत्यु भएको छ । उक्त घटनामा परेकामध्ये १० जनालाई भने जिवितै उद्धार गरिएको अधिकारीहरूले जानकारी दिएका छन् ।

प्रादेशिक राजधानी चाङ्साका मेयर झेङ जियान छिनले खोजी तथा उद्धार कार्य शुक्रबार दिउँसो सम्पन्न भएको जानकारी दिएका थिए ।

खोजी तथा उद्धार कार्यका लागि दर्जनौँ विज्ञ तथा उद्धारकर्ताहरु परिचालन गरिएको थियो । घटनास्थलबाट उद्धार गरिएका घाइतेहरूलाई स्थानीय अस्पतालमा उपचार गराइएको छ ।

आवासिय सो भवन गत अप्रिल २९ मा भत्किएको थियो । सुरुमा खोजी तथा उद्धार कार्य गर्न नसकिएकाले मानवीय क्षतिको स्पष्ट विवरण आउन सकेको थिए ।