बालेनको प्रचारमा नारा- भ्रष्टाचारीलाई चोटैचोट, बालेन शाहलाई भोटैभोट
नेपाल प्रेस
२०७९ वैशाख २४ गते १६:३०
काठमाडौं । काठमाडौं महानगरपालिकाको निर्वाचन अन्तर्गत मेयर पदमा र्यापर बालेन शाहको उपस्थिति निकै रोचक बन्दै गएको छ ।
सुरुमा सामान्य उम्मेदवारका रूपमा लिइएका बालेनलाई अहिले सामाजिक सञ्जालमा व्यापक जनसमर्थन मिलिरहेको छ ।
विशेष गरी युवा र नयाँ मतदाताको जमातले उनीमाथि समर्थन गरिरहेको छ ।
यसै जनसमर्थनलाई उनले आफ्नो प्रचार शैलीमा पनि प्रयोग गरिरहेका छन् । अहिले उनी घरदैलो भेटघाट र त्यस क्रममा र्याली समेत निकाल्दै डुलिरहेका छन् ।
जसमा बाक्लो युवा जमातले उनलाई पछ्याइरहेको छ ।
यसरी पछ्याइरहेका युवाहरूले लगाइरहेका नाराहरू पनि झनै रोचक र घोचक छन् ।
ती नाराहरूमा अहिले सबैभन्दा बढी दोहोरिइरहेको नारामा ‘भ्रष्टाचारीलाई चोटैचोट, बालेन शाहलाई भोटैभोट’ बढी रुचाइएको छ ।
नेपाल प्रेस
प्रकाशित: २०७९ वैशाख २४ गते १६:३०
प्रतिक्रिया
सम्बन्धित खवर
