राष्ट्रिय सभागृहमा मतगणनाको व्यवस्थापन- तार जाली र त्यसभित्र सिसिटिभी जडान (तस्बिरहरू)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/rastriya-sava-2.jpg)
काठमाडौं । काठमाडौं महानगरपालिकाको मतगणना हुने स्थान राष्ट्रिय सभागृहमा यतिबेला तार जाली र त्यसभित्र सिसिटिभी जडानको काम धमाधम भइरहेको छ ।
कडा सुरक्षा व्यवस्थापनका लागि तार जालीभित्र सिसिटिभीको निगरानीमा ३२ वटै वडाको मतगणना हुने छ ।
काठमाडौं महानगरपालिकाभित्र ३२ वटा वडा छन् ।
राष्ट्रिय सभाभित्र एक साथ सात ठाउँमा मतगणना गर्न सकिने गरी तयारी भइरहेको काठमाडौं प्रहरी परिसरका एक अधिकारीले जानकारी दिए। मतपेटिका राख्ने ठाउँदेखि गणना हुने ठाउँ सिसिटिभीको पूर्ण निगरानीमा रहने जनाइएको छ ।
मतगणनालाई धाँधलीरहित, निष्पक्ष र सुरक्षित बनाउन यस पटक त्यसका लागि देशका विभिन्न स्थानमा तार जाली भित्र सिसिटिभी समेत जडान गर्ने काम भइरहेको छ ।
तस्बिरहरु : उमेश कार्की