कटारीमा प्रहरीको गोली लागेर एक जनाको अवस्था ‘चिन्ताजनक’
नेपाल प्रेस
२०७९ वैशाख ३० गते १८:४८
सांकेतिक तस्बिर ।
काठमाडौं । उदयपुरको कटारी नगरपालिका-१० स्थित मतदान केन्द्रमा प्रहरीको गोली लागेर एक जना गम्भीर घाइते भएका छन् ।
स्थानीय २० वर्षीय प्रबिन कटुवालको अवस्था चिन्ताजनक रहेको बताइएको छ ।
प्रदेश-१ प्रहरी प्रवक्ता नविनराज राईले घाइते भएको भन्नेबारे खबर आएको बताए । ‘मतपेटिका प्याक गर्ने क्रममा स्थानीयले ढुंगा हानेपछि प्रहरीले गोली चलाएको रहेछ’, राईले भने ।
घाइते हुने कटुवाल वडाध्यक्षका स्वतन्त्र उम्मेदवार गौरव कटुवालका भतिज हुन् ।
नेपाल प्रेस
प्रकाशित: २०७९ वैशाख ३० गते १८:४८
प्रतिक्रिया
सम्बन्धित खवर
