उपमेयरमा प्रतिस्पर्धीभन्दा दोब्बर मतले सुनिता अगाडि
नेपाल प्रेस
२०७९ वैशाख ३१ गते १३:२२
काठमाडौं । काठमाडौं महानगरपालिकाको उपमयरमा एमालेकी सुनिता डंगाेलले बलियो अग्रता लिएकी छन् ।
उनी मुख्य प्रतिस्पर्धी नेकपा एकीकृत समाजवादीका उम्मेदवार रामेश्वर श्रेष्ठभन्दा दोब्बर मतले अगाडि छिन् । वडा नम्बर १ मा १०० भोट गनिएकोमा सुनिताले ३३ भोट ल्याएकी छन् भने श्रेष्ठको भोट ११ छ ।
यस्तै वडा नम्बर ३२ मा ७० भोट गणना हुँदा सुनिताले २४ र श्रेष्ठले १२ मत ल्याएका छन् । समग्रमा अहिलेसम्म १७० भोट गणना भएकोमा सुनिताले ५७ मत र श्रेष्ठले २३ ल्याएका छन् ।
सुनिताले ल्याएको मत संख्या निकटतम प्रतिस्पर्धीको तुलनामा दोब्बरभन्दा बढी छ ।
नेपाल प्रेस
प्रकाशित: २०७९ वैशाख ३१ गते १३:२२
प्रतिक्रिया
सम्बन्धित खवर
