लोमन्थाङ गाउँपालिका अध्यक्ष र उपाध्यक्षसहित बहुमत वडामा एमाले विजयी
नेपाल प्रेस
२०७९ वैशाख ३१ गते १६:०४
काठमाडौं । मुस्ताङको लोमन्थाङ गाउँपालिकामा नेकपा एमालेले विजय हासिल गरेको छ । एमालेका अध्यक्ष उम्मेदवार टसी न्हुर्व गुरुङ ६६८ मत प्राप्त गरी विजयी भएका छन् ।
उनका निकटतम प्रतिद्वन्द्वी कांग्रेसका टसी गुरुङले ५१४ मत प्राप्त गरेका छन् ।
उपाध्यक्षमा पनि एमालेकै छुमी विष्ट गुरुङ निर्वाचित भएकी छन् । उनले ६३२ मत प्राप्त गर्दा कांग्रेसकी ढोका गुरुङ ५२९ मतमा रोकिएका छ्न् ।
गाउँपालिकाका ५ मध्ये ३ वटा वडामा एमाले र दुईवटामा कांग्रेसका उम्मेदवार विजयी भएका छन् । योसँगै एमालेले मुस्ताङका दुई गाउँपालिकासहित समग्रमा ६ पालिका जितेर पहिलो स्थान ओगटेको छ ।
नेपाल प्रेस
प्रकाशित: २०७९ वैशाख ३१ गते १६:०४
प्रतिक्रिया
सम्बन्धित खवर
