मकवानपुरको राक्सिराङ्ग गाउँपालिकामा गठबन्धनको जित
नेपाल प्रेस
२०७९ जेठ ३ गते १७:३९
हेटौँडा । पश्चिम मकवानपुरको राक्सिराङ्ग गाउँपालिकामा गठबन्धन गाउँपालिकाको अध्यक्ष तथा उपाध्यक्षमा विजयी भएको छ ।
गठबन्धनको तर्फबाट नेपाली कांग्रेसका राजकुमार मल्ल ५ हजार ४ सय ८१ मत सहित विजयी भए ।
मल्ल यस अघि पनि गाउँपालिका अध्यक्षमा निर्वाचित भएका थिए । उनका निकटतम् प्रतिस्पर्धी नेकपा एमालेका बाबुलाल स्याङ्तानले ४ हजार ५ सय ७२ मत प्राप्त गरे ।
उपाध्यक्षमा पनि गठबन्धनकै तर्फबाट नेकपा माओवादी केन्द्रका बनस्तम् थिङ निर्वाचित भएका छन् । थिङले ४ हजार ८ सय ३९ मत प्राप्त गर्दा उनका निकट्तम प्रतिस्पर्धी नेकपा एमालेकी सुन्तलीमाया प्रजाले ४ हजार १ सय २९ मत प्राप्त गरिन् ।
नेपाल प्रेस
प्रकाशित: २०७९ जेठ ३ गते १७:३९
प्रतिक्रिया
सम्बन्धित खवर
