पाँचथरको याङवरक गाउँपालिकामा एमाले विजयी
नेपाल प्रेस
२०७९ जेठ ४ गते १४:०५
फिदिम । पाँचथरको याङवरक गाउँपालिकामा गठबन्धनलाई पराजित गर्दै नेकपा एमालेले जित निकालेको छ ।
अध्यक्ष पदमा एमालेका भिमबहादुर योङया ४ हजार १ सय १८ मत प्राप्त गरी विजयी भएका छन् । निकटतमप्रतिद्धन्द्धी गठबन्धनतर्फका नेपाली कांग्रेसका मविन्द्र योङयाले ४ हजार ३८ मत प्राप्त गरेका छन् ।
उपाध्यक्षमा एमालेकै बाबा मेयाङ्बो विजयी भएकी छन् । मेयाङ्बो ३ हजार ९ सय ९८ मत सहित विजयी हुँदा गठबन्धन तर्फका नेकपा माओवादी केन्द्रका अर्जुन बेघाले ३ हजार ६ सय ७९ मत प्राप्त गरेका छन् ।
६ वटा वडा रहेको याङवरकमा वडा नम्बर १, ३, ५ मा एमाले तथा २, ४, ६ मा गठबन्धनका वडाध्यक्ष निर्वाचित भएका छन् ।
नेपाल प्रेस
प्रकाशित: २०७९ जेठ ४ गते १४:०५
प्रतिक्रिया
सम्बन्धित खवर
