धरानमा पनि लौरो अघि बढ्यो, कांग्रेसका किशोरलाई रोक्दै लौरोछाप हर्क साङपाङको अग्रता
नेपाल प्रेस
२०७९ जेठ ४ गते १५:०४
काठमाडौं । काठमाडौंमा ठूला दलका हेबिवेट उम्मेदवारलाई हायलकायल पारिरहेको लौरोले धरान उपमहानगरपालिकामा समेत रुखलाई हान्न थालेको छ ।
कांग्रेसका मेयर उम्मेदवार किशोर राईको शुरुदेखिकै फराकिलो अग्रतालाई लौरोधारी स्वतन्त्र उम्मेदवार हर्क साङपाङले रोकेर अघि बढेका छन् । पछिल्लो गणना अनुसार रुखको ८१२६ मत छ भने लौरोको ८१४० मत छ । एमालेकी मञ्जु भण्डारी भने ६७१३ मतसहित निकै पछाडि छन् । उपमेयरमा भने एमाले र कांग्रेसका उम्मेदवारको टक्कर छ ।
हर्क साङपाङको लौरोले धरानमा अधिकांश एमालेको मत लिएको छ । कांग्रेसको पनि उल्लेख्य मत लौरोमा गएको देखिएको छ । उनी लो प्रोफाइलका लोकप्रिय उम्मेदवार भनेर नेपाल प्रेसले सबैभन्दा पहिले उनको उम्मेदवारीबारे सार्वजनिक बहस गराएको थियो ।
नेपाल प्रेस
प्रकाशित: २०७९ जेठ ४ गते १५:०४
प्रतिक्रिया
सम्बन्धित खवर
