कांगेसकाे गढ भत्काउँदै मोरङको सुनवर्षीको मेयर र उपमेयरमा एमाले उम्मेदवार विजयी

विराटनगर । मोरङको सुनवर्षी नगरपालिकाकाे मेयर र उपमेयरमा एमाले विजयी भएकाे छ । मेयरमा एमालेका श्‍याम प्रसाद राजवंशीले ८ हजार ६३९ मत प्राप्त गदै निर्वाचित भएका छन्।

उनका प्रतिस्पर्धी नेपाली कांग्रेसका यज्ञ बहादुर कार्कीले ६ हजार९५३ मत प्राप्त गरेका छन् । उपप्रमुखमापनि एमालेकै मिरा देवी दास केवरतले ८हजार३८३ मत ल्याउदै निर्वाचित भएकी छिन्।

कांग्रेसकी विमला देवी केवरतले ७ हजार ४२७ मत ल्याएकी छन् ।कांग्रेसको गढका रुपमा चिनिएको सुनवर्षी नगरपालिकामा सेटैले जितेको छ। पूर्व प्रधानमन्त्री गिरिजाप्रसाद कोइराला र हालकांग्रेस नेता मिनेन्द्र रिजालको क्षेत्र रहेको मोरङ क्षेत्र नं २ मा पहिलो पटक एमालेले ऐतिहासिक जित निकालेको हो ।

यसअघिको स्थानीय तहको निर्वाचनमा कांग्रेसले मेयर र उपमेयर दुबैमा जितेको थियो ।