भरतपुर महानगर: मेयरमा रेणुलाई २ हजार मतको स्पष्ट अग्रता
नेपाल प्रेस
२०७९ जेठ ४ गते १७:३४
चितवन । भरतपुर महानगरपालिकाको मेयरमा गठबन्धनकी उम्मेदवार रेणु दाहालले २ हजार मतको अन्तर कायम गरेकी छिन् ।
जारी मतगणनामा दाहालले ११ हजार ९० मत ल्याउँदा नेकपा एमालेका उम्मेदवार विजय सुवेदीले ९ हजार ९० मत ल्याएका छन् । अहिले वडा नम्बर ७ र ८ को एकैसाथ गणना भइरहेको छ ।
मेयरमा स्वतन्त्र उम्मेदवार जगन्नाथ पौडेलले ४ हजार ९ सय ५८ मत ल्याएका छन् । उपमेयरमा कांग्रेसका चित्रसेन अधिकारीले १३ हजार २ सय ४५ र राप्रपाकी हिमला गुरुङले ७ हजार ३ सय ७१ मत ल्याएकी छिन् ।
७ नम्बर वडाको अध्यक्षमा नेकपा एकीकृत समाजवादी र ८ नम्बर वडाको अध्यक्षमा नेपाली कांग्रेसले अग्रता लिएका छन् । अहिलेसम्म ३० हजार २ सय ५२ मत गणना भएको छ ।
नेपाल प्रेस
प्रकाशित: २०७९ जेठ ४ गते १७:३४
प्रतिक्रिया
सम्बन्धित खवर
