लिखु तामाकोशीको अध्यक्षमा कांग्रेस र उपाध्यक्षमा एमाले विजयी
नेपाल प्रेस
२०७९ जेठ ४ गते १८:१७
मन्थली । रामेछापको लिखु तामाकोशी गाउँपालिकामा अध्यक्ष नेपाली कांग्रेस र उपाध्यक्ष नेकपा एमालेले जितेका छन् । अध्यक्षमा कांग्रेसका केशव महत ५ हजार ११२ मतसहित निर्वाचित हुँदा एमालेका कमल प्रसाद कडरिया ४ हजार ८ मतमा रोकिएका छन् ।
त्यस्तै उपाध्यक्षमा एमालेकी दिपा पाख्रिन ४१२६ मतसहित निर्वाचित हुँदा कांग्रेसकी सरस्वती गुरुङ खड्का ३९३३ मतमा रोकिएकी छन् । यहाँ माओवादी र नेकपा एसको गठबन्धन थियो ।
गठबन्धनबाट अध्यक्ष उम्मेदवार नेकपा एसका नवराज पौडेलजले १४२४ मत ल्याउँदा उपाध्यषमा माओवादी केन्द्रका धुर्व कार्कीले भने २७१९ मत प्राप्त गरेको छन् । माओवादी पक्षले अध्यक्षमा आफ्ना उम्मेदवारलाई नदिई कांग्रेसलाई सहयोग गरेकाले उपाध्यक्षको भन्दा १३ सय कम मत आएको नेकपा एसका नेताहरुले बताएका छन् ।
पालिकाका ७ वडामध्ये तीनवटामा एमाले,दुईवटामा कांग्रेस र दुईवटामा माओवादी केन्द्र निर्वाचित भएका छन् ।
नेपाल प्रेस
प्रकाशित: २०७९ जेठ ४ गते १८:१७
प्रतिक्रिया
सम्बन्धित खवर
