सप्तरीको कञ्चनरुप नगरपालिकामा कांग्रेस विजयी

सप्तरी । सप्तरीको कञ्चनरुप नगरपालिकामा कांग्रेस विजयी भएको छ । मेयरमा ललनप्रसाद गुप्ता र उपमेयरमा मुनाकुमारी पोखरेल विजयी भएका हुन् ।

नगरपालिका प्रमुखमा गुप्ताले ७ हजार ८८९ मतसहित विजयी हुँदा उनका निकटतम प्रतिस्पर्धी जनता समाजवादी पार्टीका भोला कुमार पासवानले ५ हजार ७०४ मत पाएका छन् ।

नगर उपप्रमुखमा पोखरेलले ७ हजार ७४ मत ल्याउँदा एमालेकी कल्पना चौधरीले ५ हजार ५४७ मत प्राप्त गरेकी छन् ।

१२ वटा वडा रहेको यो नगरपालिकामा मिश्रीत पणिाम आएको छ । वडा नं. १, ९ र १० जनता समाजवादी वडा नं. ३, ६, ११ र १२ एमाले र वडा नं. २, ४, ५, ७ र ८ मा कांग्रेस विजयी भएको छ ।