उपमेयरसहित ४० सिट जितेर एमाले बन्यो विराटनगर महानगरको सबैभन्दा ठूलो दल (सूचीसहित)

विराटनगर । उपमेयरसहित १९ मध्ये ९ वडाध्यक्ष जितेर नेकपा एमाले विराटनगर महानगरपालिकाको सबैभन्दा ठूलो दल बनेको छ । शनिबार विहान सार्वजनिक भएको नतिजा अनुसार एमालेबाट उपमेयर शिल्पा कार्की गठबन्धनका उम्मेदवारलाई ११ हजार मतले पछि पार्दै निर्वाचित भइन् ।

त्यस्तै वडातर्फ पनि १९ मध्ये एमालेले ९ वटा वडा जितेर महानगरको ठूलो दल बनेको छ । गठबन्धनबाट कांग्रेसले मेयरसहित ६ वडाध्यक्ष जितेको छ भने जसपाले २ वडाध्यक्ष जितेको छ । राप्रपाले एउटा वडाध्यक्ष जित्दा एकजना स्वतन्त्रले जितेका छन् ।

सदस्यतर्फ समेत कार्यपालिका चुनावका लागि एमालेले ४३ सिट जितेको छ भने कांग्रेसले ४० सिट जितेको छ ।जसपाले १० सिट जित्दा नेकपा माओवादी केन्द्र र नेकपा एकीकृत समाजवादी भने विराटनगर महानगरपालिकामा गठबन्धनका मतदातामा सिमित भएका छन् । ती दुवै पार्टीले महानगरपालिकामा एउटा सदस्य पनि जित्न सकेनन् ।

यी हुन् विराटनगर महानगरपालिकामा निर्वाचित जनप्रतिनिधि
मेयर–नागेश कोइराला,नेपाली काग्रेस
उपमेयर–शिल्पा कार्की,नेकपा एमाले