सुदूरपश्चिममा सात पालिकामा नतिजा आउन बाँकी, कसमा कसको अग्रता ? (सूची)
नेपाल प्रेस
२०७९ जेठ ७ गते १९:०६
कैलाली । हालसम्म सुदूरपश्चिम प्रदेशका ८८ मध्ये ८१ पालिकाको अन्तिम मत परिणाम सार्वजनिक भएको छ।
अझै पनि सात पालिकाको नतिजा आउन वाकी रहको छ । बाकी रहेका सात मध्ये चार पालिकामा नेपाली कांग्रेसले अग्रता बनाइरहेको छ ।
एक पालिकामा मतगणना नै सुरु भएको छैन भने एकमा नेकपा एमाले र एक पालिकामा स्वतन्त्र उम्मेदवार अगाडी छन् ।
सार्वजनिक भएको प्रदेशको ८१ पालिका मध्ये नेपाली काँग्रेसले पहिलो स्थानमा रहेको छ। उक्त पार्टीले ३६ स्थानीय तहमा जित निकालेको छ।
यस्तै दोस्रोमा रहेको नेकपा एमालेले २४ पालिकामा जित निकाल्दा नेकपा माओवादी केन्द्रले १४ पालिकामा प्रमुख जितेको छ।
प्रदेशमा नागरिक उन्मुक्ति पार्टीले ४, एकीकृत समाजवादीले २ पालिकामा जित निकाल्दा एउटा पालिकामा स्वतन्त्र उम्मेदवार विजयी भएका छन्।
अब प्रदेशका एक उपमहानगरपालिका र ६ नगरपालिकाको अन्तिम मत परिणाम मात्रै सार्वजनिक गर्न बाँकी रहेको छ।
नतिजा आउन बाँकी पालिका
१ कैलालीको धनगढी उपमहानगरपालिका– स्वतन्त्रको अग्रता
२ कञ्चनपुरको पुनर्वास नगरपालिका– कांग्रेसको अग्रता
३ कञ्चनपुरको भीमदत्त नगरपालिका– कांग्रेसको अग्रता
४ कञ्चनपुरको कृष्णपुर नगरपालिका– कांग्रेसको अग्रता
५ कञ्चनपुरको शुक्लाफाँटा नगरपालिका– एमालेको अग्रता
६ बाजुराको बुढीगंगा नगरपालिका– मतगणना सुरु गर्नै बाँकी
७ अछामको साँफेबगर नगरपालिका– कांग्रेसको अग्रता
नेपाल प्रेस
प्रकाशित: २०७९ जेठ ७ गते १९:०६
प्रतिक्रिया
सम्बन्धित खवर
