नग्न तस्बिर सेयर गरेको भन्दै म्याडोनालाई इन्स्टाग्राममा लाइभ आउन रोक

काठमाडौं । चर्चित अमेरिकी गायिका, गीतकार तथा अभिनेत्री म्याडोना लुइस सिकोनलाई इन्स्टाग्रामले प्रतिबन्ध लगाएको छ ।

आफ्नो नग्न तस्बिर सेयर गरेको भन्दै इन्स्टाग्रामले उनलाई लाइभ आउन प्रतिबन्ध लगाएको हो ।

पप आइकन म्याडोनाले इन्स्टाग्राममा लाइभ आउने प्रयास गर्दा उनलाई सामुदायिक दिशानिर्देशहरू उल्लङ्घन गरेको सूचना प्राप्त भएपछि आफू निःशब्द भएको बताएकी छिन ।

इन्स्टाग्रामले पप मेगास्टारलाई यो प्लेटफर्ममा अन्य प्रयोगकर्तालाई सम्मान गर्न र सधैँ कानूनको पालना गर्न चेतावनी दिएको छ।

प्रतिबन्धको बारेमा थाहा पाएपछि उनी भन्छिन्, ‘मैले मेरो जीवनमा धेरै लुगाहरू कहिल्यै लगाएकै छैन। ’

इन्स्टाग्रामले म्याडोनालाई सेन्सर गर्ने प्रयास गरेको यो पहिलो पटक भने होइन ।

नोभेम्बर २०२१ मा पनि इन्स्टाग्रामले गायिकाले सेयर गरेको ‘लाइक अ भर्जिन’ को तस्बिरमा उनको निप्पल खुला देखिएको भन्दै उनको सो पोस्ट हटाएको थियो ।