स्थानीय तहका पदाधिकारीलाई माओवादीले अभिमुखीकरण तालिम दिने, केन्द्रीय समिति बैठक आह्वान

काठमाडौं । सत्तारुढ नेकपा माओवादी केन्द्रले स्थानीय तहका निर्वाचित पदाधिकारीहरूलाई तालिम दिने भएको छ । अध्यक्ष प्रचण्डको निवासमा बसेको केन्द्रीय कार्यालयको विस्तारित बैठकले जेठ १८ र १९ गते दुई दिने अभिमुखीकरण तालिम सन्चालन गर्ने निर्णय लिएको हो ।

सो तालिममा स्थानीय तहका प्रमुख उपप्रमुख, जिल्ला समन्वय समितिका प्रमुख उपप्रमुखसहित पार्टीका प्रदेश इन्चार्ज र अध्यक्षहरूको सहभागिता रहने अध्यक्ष प्रचण्डका स्वकीय सचिव रमेश मल्लले जानकारी दिए ।

माओवादीले भर्चुअल माध्यमबाट जेठ २० गते केन्द्रीय समितिको बैठक आह्वान गरेको छ । स्थानीय तह निर्वाचनमा माओवादीले १२० पालिकाका प्रमुख जितेर तेस्रो शक्ति कायम भएको छ ।