मानव विकास सूचकांकमा नेपालको सुधार

काठमाडौं । संयुक्त राष्ट्रसंघले हरेक वर्ष गर्ने मानव विकास सूचकांकको अध्ययनले नेपालको अवस्था सुधार भएको देखाएको छ ।

राष्ट्रसंघीय विकास कार्यक्रम (युएनडीपी)ले बुधवार सार्वजनिक गरेको सूचकांकमा नेपाल १४७ औं स्थानबाट उक्लिएर १४२ स्थानमा पुगेको छ ।

विश्वका १८९ देशको मानव विकास सूचकांकमा नेपाल अझै धेरै पछाडि भएपनि अघिल्ला वर्षको तुलनामा माथि उक्लिएको हो । एक वर्षभित्र पाँच अंक सुधार हुनु सकारात्मक हो ।

यूएनडीपीले दीर्घ, स्थास्थ्य जीवन र औसत आयुका आधारमा हरेक वर्ष मानव विकास सूचकांक सार्वजनिक गर्दै आएको छ । बुधवार एक कार्यक्रमबीच परराष्ट्रमन्त्री प्रदिप ज्ञवालीले सो मानव विकास प्रतिवेदन सार्वजनिक गरेका हुन् ।

मानव विकास सूचकांकमा विश्वका १८९ मुलुकमध्ये नर्वे अघिल्लो वर्षजस्तै यो वर्षपनि पहिलो स्थानमा छ । दोस्रोमा आयरल्याण्ड,तेस्रो स्वीटजरल्याण्ड र हङकङ चौथोमा छन् ।