आयल निगमको भलबारी डिपोमा लागेको आगो नियन्त्रणमा (भिडिओ)

रुपन्देही । नेपाल आयल निगमको रुपन्देही भलबारीस्थित डिपोमा लागेको आगो नियन्त्रणमा आएको छ । शुक्रबार पौने १२ बजेको समयमा तेल खनाउने क्रममा लु २ ख २६५६ र लु २ ख ५६८५ नम्बरको ट्रयाङ्करमा लागलागी भएको थियो ।

लागलागीबाट लु २ ख २६५६ नम्बरको ट्रयाङ्कर पूर्ण रुपमा क्षति र लु २ ख ५६८५ नम्बरको ट्रयाङ्करमा आंशिक रुपमा क्षति पुगेको जिल्ला प्रहरी कार्यालय रुपन्देहीका प्रहरी प्रवक्ता नवरत्न पौडेलले जानकारी दिएका छन् ।

आगलागीबाट ट्रयाङ्करका हेल्पर तिलोत्तमा नगरपालिका ९ का १८ वर्षीय विजेश चौधरी घाइते भएको प्रहरी प्रवक्ता पौडेलले बताए । उनको हात र खुट्टा जलेको छ ।

घाइते चौधरीको मणिग्रामस्थित क्रिमशन अस्पतालमा उपचार भइरहेको पौडेलले बताए । उनको अवस्था सामान्य रहेको छ । आगो सिद्धार्थनगर नगरपालिका, तिलोत्तमा नगरपालिका र भलवारी आयाल निगमको दमकलले नियन्त्रणका लिएका थिए ।