मोबाइलमा गेम खेल्नको लागि दाइले लियो भाइको ज्यान

दिल्ली । भारतकाे गुजरातस्थित खेडा जिल्लामा मोबाइलमा गेम खेल्ने विषयमा सामान्य झगडा भएपछि १६ वर्षीय नाबालकले भाइलाई ढुङ्गाले हानेर इनारमा फालिदिएपछि उनको मृत्यु भएको छ ।

चोट लागेर बेहोस भएपछि किशोरले आफ्नो शरीरलाई तारको सहायताले ढुंगामा बाँधेर इनारमा फालेका थिए । त्यसपछि परिवारलाई जानकारी नगरी आरोपी नाबालिग बसमा चढेर राजस्थानस्थित आफ्नो गृहनगर गए ।

अन्तराष्ट्रिय सञ्चारमाध्यमका अनुसार पीडित परिवार छिमेकी राजस्थानको बांसवारा जिल्लाका बासिन्दा हुन् । उनीहरु गाउँको बाहिरी भागमा रहेको खेतमा मजदुरको रूपमा काम गर्न आएको खेडा शहरका प्रहरी उपनिरीक्षक एसपी प्रजापतिले बताए ।

दुवै दाजुले पालैपालो मोबाइलमा गेम खेलिरहेका थिए, जब अभियुक्तले खेल्ने पालो आएपछि मोबाइल दिन नमान्ने ११ वर्षीय भाइसँग झगडा भएको थियो । त्यसपछि रिसाएर किशोरले कान्छो भाइको टाउकोमा ठूलो ढुङ्गाले प्रहार गरेका थिए । नाबालिग अभियुक्तलाई बुधबार हिरासतमा राखिएको छ ।

साँझसम्म दुवै छोरा घरमा नभेटेपछि आमाबुवाले आफ्नै गाउँमा गएर जेठो छोराको अवस्थाबारे सोधपुछ गरेको अधिकारीले बताएका छन् । फिर्ता ल्याएर कान्छो भाइको बारेमा सोध्दा अभियुक्तले झगडापछि भाइको हत्या गरेको बताए ।

परिवारबाट घटनाको जानकारी पाएपछि प्रहरी घटनास्थलमा पुगेर शवलाई इनारबाट बाहिर निकालेको थियो । प्रहरीले नाबालिग अभियुक्तविरुद्ध हत्या मुद्दा दर्ता गरेको छ ।