चिङ्गाड गाउँपालिकामा श्रीमान-श्रीमती नै दलित कोटाबाट चुनिए कार्यपालिका सदस्य

सुर्खेत । जिल्लाको पुर्वि क्षेत्रमा पर्ने चिङ्गाड गाउँपालिकामा श्रीमान र श्रीमती नै कार्यपालिका सदस्यमा चुनिएका छन् । वडा नं. ५ अवलचिङ्गबाट एमालेको तर्फबाट दलित महिला सदस्यमा भुवानसरी कामीले ४६९ मत ल्याएर विजयी भएकी थिईन् ।

उनका श्रीमान तिलविर कामी भने १७ गते सम्पन्न कार्यपालिकाको चुनावमा दलित कोटाबाट चयन भएका हुन । यहाँ नेकपा एमाले र माओवादीबीच माओवादीका समर विकलाई नियुक्त गर्ने भनिएपनि विभिन्न कारणले उनको सट्टामा तिलविरलाई चयन गरिएको हो ।

उनिहरु दुवै जना विगत लामो समय देखि एमालेका वडा स्तरीय राजनीतिमा सहभागि रहँदै आइरहेका थिए । यसअघि २०७४ सालमा भएको निर्वाचनमा एमाले पालिकामा कांग्रेससँग पराजित भएपनि यसपटक अध्यक्ष र उपाध्यक्ष सहित कार्यपालिका नै एमालेको बहुमतमा आएको छ ।

‘उहाँहरु श्रीमान-श्रीमती नै चुनिएर कार्यपालिकामा आउनु भएको छ ।’ प्रमुख प्रशासकीय अधिकृत जनक हमालले भने ।
कर्णालीमा श्रीमान र श्रीमती कार्यपालिका सदस्यमा निर्वाचित भएको यो नै पहिलो हो । २०७४ सालमा पनि कोही श्रीमान र श्रीमती निर्वाचित भएका थिएनन् ।