वातावरण दिवसमा जनचेतनामुलक र्‍याली (भिडिओ)

काठमाडौं । विश्व वातावरण दिवस, विभिन्न कार्यक्रम गरी आइतबार मनाइएको छ ।

हरेक वर्षको जुन ५ तारिखमा विश्व वातावरण दिवस मनाउने गरिन्छ । यस वर्षको दिवसको नारा ‘केवल एउटा पृथ्वी’ रहेको छ ।

वातावरणप्रति विश्वमा सचेतना जगाउने उद्देश्यअनुसार संयुक्त राष्ट्र सङ्घको आह्वानमा सन् १९७३ देखि यो दिवस मनाउन थालिएको हो ।

दिवसका अवसरमा शहरी बिकास मन्त्रालय, काठमाडौं उपत्यका बिकास प्राधिकरणको आयोजनामा काठमाडौंको धोविखोला करिडोरमा जनचेतनामुलक र्याली निकालिएको थियो ।

र्‍यालीमा सहभागीहरुले जथाभावी फोहर नफालौ, सभ्य नगरिकको परिचयन दिउ, वातावरण जोगाऔं लगाएतका प्लेकार्ड प्रदर्शन गरेका थिए । प्राधिकरणका बिकास आयुक्त जानुका ढकालले घरको फोहरलाई जथाभावी नफाल्न आग्रह गदै धोविखोला करिडोरमा जनचेतनामुलक र्‍याली निकालिएको जानकारी दिइन् ।

संयुक्त राष्ट्रसंघले सन् २०२१ देखि २०३० सम्मको दशकलाई परिस्थितिकीय प्रणालीको पुनःस्थापनाको दशकको रुपमा मनाउन आह्वान गरेको छ ।