दिक्तेलका मेयरको सकारात्मक सुरूवात, गरे सम्पत्ति विवरण सार्वजनिक
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/06/mayer.jpg)
खोटाङ । खोटाङको दिक्तेल रुपाकोट मझुवागढी नगरपालिका मेयर तीर्थराज भट्टराईले आफ्नो सम्पत्ति विवरण सार्वजकि गरेका छन् ।
पत्रकार सम्मेलन गर्दै मेयर भट्टराईले राजनीतिमा आफू सेवाभावले आएको भन्दै जनताको जानकारीका लागि सम्पत्ति विवरण सार्वजनिक गरेको बताएका हुन् । आफू मेयरका रुपमा ‘साहब’ नभइ ‘सेवक’ भएर काम गर्ने भन्दै सम्पत्ति विवरण सार्वजनिक गरेका भट्टराईले नियमित रुपमा खबरदारी गर्न समेत आग्रह गरेका छन् ।
उनको सम्पत्ति विवरणमा पैतृक सम्पत्तिबाहेक श्रीमतीको बैंक खातामा ८० हजार नगद रहेको उल्लेख छ । आफ्नो नाममा दिक्तेलमा थुक्पा उद्योग र काठमाडौंमा अपसेट प्रेस रहेको भट्टराईले सार्वजनिक गरेका छन् ।
उनले व्यवसाय सञ्चालनका क्रममा साढे ७ लाख रुपैयाँ ऋणमा रहेको समेत खुलाएका छन् ।
भट्टराई कांग्रेसबाट निर्वाचित हुन् ।