सुर्खेत जिससमा एमाले-माओवादी गठबन्धनका उम्मेदवार टुंगियो

सुर्खेत । नेकपा एमाले र माओवादी केन्द्रले जिल्ला समन्वय समिति सुर्खेतको प्रमुख र उपप्रमुखका उम्मेदवार टुंगो लगाएका छन् ।

एमालेले प्रमुखसहित ६ तथा माओवादीले उपप्रमुखसहित तीन पदमा उम्मेदवारी दर्ता गर्न लागेका छन् । उनीहरूले मनोनयन दर्ता फाराम भरिरहेका छन् ।

स्रोतका अनुसार एमालेले वीरेन्द्रनगर नगर कार्यपालिका सदस्य गंगाराम सुनारलाई प्रमुखमा अघि सारेको छ । त्यस्तै सचिनकुमार बडुवाललाई माओवादीले उपप्रमुख बनाउँदैछ । बडुवाल २०५४ मा भूमिगत भइ माओवादी सेनाका कमाण्डरसमेत बनेका थिए ।

दुवै उम्मेदवारको प्रस्तावकमा वीरेन्द्रनगर नगरपालिकाका प्रमुख मोहनमाया ढकाल तथा समर्थकमा चौकुने गाउँपालिकाका अध्यक्ष खड्क विक छन् ।

सुर्खेत जिससमा तालमेल गरेका दुई दल एमालेका ९, माओवादीका १ गरी १० मतदाता छन् । कांग्रेससँग ८ जना छन् ।