काठमाडौं महानगरको नीति-कार्यक्रम नगरसभाबाट पारित
नेपाल प्रेस
२०७९ असार ८ गते १८:२२
काठमाडौं । काठमाडौं महानगरपालिले आगामी आर्थिक वर्ष २०७८÷७९ का लागि प्रस्तुत गरेको नीति तथा कार्यक्रम नगर सभाले पारित गरेको छ ।
आज बसेको नगरसभा बैठकमा छलफलपश्चात् नीति तथा कार्यक्रम सर्वसम्मत पारित भएको हो ।
महानगरका मेयर बालेन्द्र साहले प्रस्तुत गरेको नीति तथा कार्यक्रममाथि छलफल गर्न आज बैठक डाकिएको थियो । बैठकमा उठेका प्रश्न तथा सुझावहरुहरुबारे मेयर साहले जवाफ दिएका थिए ।
उनले प्राप्त सुझाव र प्रतिक्रियालाई यथासम्भव समावेश गर्ने गरी संशोधित नीति तथा कार्यक्रम पारित गर्न आह्वान गरे ।
ध्वनीमतका आधारमा प्रस्तावका पक्ष र विपक्षमा मतदान गर्न आह्वान गरिएको थियो । अधिकांश सदस्यहरूले ‘हुन्छ’ भनेका थिए । हुन्न भन्ने आवाज सुनिएन ।
यसका आधारमा मेयर साहले संशोधित नीति कार्यक्रम पास भएको घोषणा गरेका छन् ।
नेपाल प्रेस
प्रकाशित: २०७९ असार ८ गते १८:२२
प्रतिक्रिया
सम्बन्धित खवर
