गगन-गभर्नर भेट, अर्थतन्त्रमा देखिएका समस्याबारे कुराकानी
![](https://www.nepalpress.com/wp-content/uploads/2020/11/nepalpress-logo-n.png)
२०७९ असार १० गते ११:०१
![](https://www.nepalpress.com/wp-content/uploads/2022/06/gagan-maha-prashad.jpg)
काठमाडौं । नेपाली कांग्रेसका महामन्त्री गगन थापाले अर्थतन्त्रमा देखिएको समस्याका विषयमा नेपाल राष्ट्र बैंकका गभर्नरसँग भेटेर छलफल गरेका छन् ।
राष्ट्र बैंकका गभर्नर महाप्रसाद अधिकारीलगायत वरिष्ठ अधिकारीसँग भेटेको कुरा उनले फेसबुकमार्फत जानकारी गराएका हुन् ।
‘नेपाल राष्ट्र बैंकका गभर्नर महाप्रसाद अधिकारीलगायत वरिष्ठ अधिकारीसँग भेटेर हालको तरलता अभाव, मुद्रा सञ्चितिको अवस्था र पुँजी बजारको समस्या सम्बोधन गर्न आवश्यक विषयहरूमा छलफल गरेको छु,’ थापाले लेखेका छन्, ‘अर्थतन्त्रमा देखिएका यीलगायतका समस्या समाधानका उपायहरूसहित अबको मौद्रिक नीति तयार पार्नुहुनेछ भन्ने अपेक्षा लिएको छु ।’
प्रतिक्रिया