कैलालीमा भन्सार छली ल्याउँदै गरेको सामान जफत
नेपाल प्रेस
२०७९ असार ११ गते १७:०८
कैलाली । सशस्त्र प्रहरीले कैलालीमा भन्सार छली ल्याउँदै गरेको सामान जफत गरेको छ ।
सशस्त्र प्रहरी बल नेपाल नं. ३४ गण हेड क्वाटर कैलाली मातहत बि.ओ.पी.धनगढी त्रिनगरबाट खटिएको गस्ती टोलीले धनगढी उमनपा-२ त्रिबेणीघाट भन्सार छली ल्याउँदै गरेको सामान जफत गरेको हो ।
तीन लाख बढीको कपडा तथा चप्पल बरामद गरेको सशस्त्र प्रहरी बल नेपाल नं. ३४ गण कैलालीले जनाएको छ ।
सशस्त्र प्रहरीले उक्त सामान बोक्न प्रयोग गरिएको से.१ ह ११८१को ई.अटोरिक्सा र से.१ स ३६५९पेट्रोल अटो रिक्सा समेतलाई नियन्त्रणमा लिएको छ ।
सामान र साधनलाई कारबाहीको लागी कैलाली भन्सार कार्यालय त्रिनगरमा पठाइएको छ ।
नेपाल प्रेस
प्रकाशित: २०७९ असार ११ गते १७:०८
प्रतिक्रिया
सम्बन्धित खवर
