भारतले पेट्रोलियम निर्यातमा लगायो कर, नेपालमा कस्तो पर्छ असर ?
नेपाल प्रेस
२०७९ असार १७ गते १४:३७
काठमाडौं । भारतले पेट्रोलियम पदार्थ निर्यातमा कर लगाउने भएको छ । तर यसबारे नेपाल आयल निगमलाई भने अहिलेसम्म कुनै जानकारी आएको छैन ।
नेपाल आयाल निगमका प्रवक्ता विनितमणि उपाध्यायले भारतले पेट्रोलियम पदार्थ निर्यातमा कर लगाएको विषयमा कुनै जानकारी नभएको बताए ।
इकोनोमिक टाइम्सका अनुसार भारतले पेट्रोलमा प्रतिलिटर भारु ६ र डिजेलमा प्रतिलिटर भारु १३ निर्यात कर लगाउने उल्लेख गरेको छ ।
नेपालले भारतबाट पेट्रोलियम पदार्थ आयात गर्दै आएको छ । जसले गर्दा भारतले निर्यात कर लगाउँदा नेपाललाई असर पर्ने देखिन्छ ।
भारतले अन्तर्राष्ट्रिय बजारमा कच्चा तेलको मूल्य बढेसँगै आन्तरिक मूल्यलाई मिलाउन कर लगाउने निर्णय गरेको हो ।
नेपाल प्रेस
प्रकाशित: २०७९ असार १७ गते १४:३७
प्रतिक्रिया
सम्बन्धित खवर
