प्रचण्डको सचिवालयले भन्यो–दुई अध्यक्षबीच दुई बुँदे सहमतिमात्र

काठमाडौं । नेकपाका अध्यक्षद्वय केपी शर्मा ओली र प्रचण्डबीच अध्यादेश र संसद् अधिवेशन माग गर्ने हस्ताक्षर सहितको निवेदन फिर्ता गर्ने सहमतिबाहेक अरु सहमति नभएको प्रचण्डको सचिवालयले जनाएको छ।

कार्यकारी अध्यक्ष प्रचण्डको सचिवालयबाट स्वकीय सचिव गंगा दाहालले अध्यादेश र संसद अधिवेश बोलाउने पत्र फिर्ता गर्ने बाहेक अरु कुनै सहमति नभएको दावी गरेकी छन् ।

प्रधानमन्त्री निकट स्रोतले भने दुवै अध्यक्षका लिखित आरोप प्रत्यारोप पनि फिर्ता गरेर बैठकमा संयुक्त प्रस्ताव लैजाने समझदारी भएको दावी गरेको छ ।

पार्टीलाई बिभाजनबाट रोक्न भदौ २६ मै फर्किने गरि समझदारी भएर स्थायी कमिटी बैठकमा प्रधानमन्त्री सहभागी भएको स्रोतको दावी छ ।