पदाधिकारी चयनबाट उम्किँदै प्रचण्डले भने- प्लिज मलाई दुईचार दिन दिनुस्
अन्तर्घातको छानबिन गरौं, वरिष्ठ उपाध्यक्षमा नारायणकाजी निर्विकल्प
नेपाल प्रेस
२०७९ असार २३ गते १७:०६
काठमाडौं । नेकपा माओवादी केन्द्रको पदाधिकारी चयन गर्ने बहुप्रतिक्षित बैठक विनानिर्णय टुंगिएको छ ।
अध्यक्ष प्रचण्डले आफूसँग पदाधिकारीको नाम भए पनि कतिपय अन्तर्घातको आरोपमा मुछिएकाहरुसमेत रहेकाले केही दिनको समय मागेका हुन् ।
उनले वरिष्ठ उपाध्यक्षमा भने नारायणकाजी श्रेष्ठ निर्विकल्प रहेको बताए ।
पार्टीका उच्च नेताहरु नै अन्तर्घातमा मुछिएकाले यसको छानबिन नहुञ्जेल पदाधिकारीको टुंगो नलगाउने प्रचण्डले प्रस्ताव गरेका हुन् । माओवादीले अन्तर्घात छानबिनका लागि अनुशासन समितिलाई १५ दिन समय दिएको छ ।
साथै यसलाई आफ्नो गृहकार्य नपुगेको भनेर बुझ्न सकिने पनि उनले उल्लेख गरे ।
प्रचण्डले भने, ‘हामीले पोलिटब्यूरो, स्थायी कमिटी त टुंगो लगाइसक्यौं । जाबो पदाधिकारी के हो र ?’
प्रचण्डले आफूसित पदाधिकारीको लिस्ट गोजीमै भएको पनि दावी गरेका थिए । तर, अहिले नपढ्ने उनले बताए ।
आजको बैठकले पोलिटब्युरो र स्थायी कमिटी टुंगो लगाएपछि प्रचण्डले पदाधिकारीको पनि घोषणा गर्ने अनुमान थियो । तर, प्रचण्डले पदाधिकारीको लगभग टुंगो आफूले लगाइसकेको भए पनि अलिकति समय दिन आग्रह गरेका हुन् ।
नेपाल प्रेस
प्रकाशित: २०७९ असार २३ गते १७:०६
प्रतिक्रिया
सम्बन्धित खवर
