सार्वजनिक गाडीको भाडा बढ्यो
नेपाल प्रेस
२०७९ असार २७ गते २०:३२
काठमाडौं । आज सोमबारदेखि लागू हुने गरी सार्वजनिक गाडीको भाडा दर बढेको छ । यातायात व्यवस्था विभागले आज एक सूचना जारी गर्दै अन्तर प्रदेश, यात्रुवाहक तथा मालवाहक गाडीको भाडा दर बढेको जनाएको हो ।
विभागका अनुसार यात्रुवाहक गाडीमा एक दशमलव ७९ प्रतिशतले भाडा बढेको छ । यस्तै पहाडी बाटोमा सञ्चालन हुने मालवाहक गाडीमा दुई दशमलव ३४ प्रतिशत र तराईको बाटोमा सञ्चालन हुने मालवाहक गाडीमा २ दशमलव ६ प्रतिशतले भाडा दर समायोजन भएको छ ।
वैज्ञानिक भाडा समायोजन प्रणालीमा इन्धनको मूल्य पाँच प्रतिशत वा त्योभन्दा बढीले घटेमा वा बढेमा स्वचालित रूपमा भाडा दर परिवर्तन हुने उल्लेख छ ।
नेपाल प्रेस
प्रकाशित: २०७९ असार २७ गते २०:३२
प्रतिक्रिया
सम्बन्धित खवर
