जब रिपोटिङ गर्दा गर्दै पत्रकारलाई रिस उठ्यो (भिडिओ)

नेपाल प्रेस

२०७९ असार २८ गते १८:१६

काठमाडौं । पाकिस्तानकी एक महिला पत्रकारले इदको दिनमा गरिरहेको भिडियो रिपोटिङ यति बेला सामाजिक संजालमा भाइरल बनिरहेको छ ।

उक्त भिडिओमा उनले एक जना व्यक्तीलाई थप्पड हनेको देख्न सकिन्छ । इदको दिनको स्थलगत भिडिओ रिपोटिङ गर्ने गएकी महिला पत्रकारको क्यामरा अगाडी आएर रिपोटिङमा बाधा पु¥याएपछि आक्रोशित बनेकी पत्रकारले क्यामराकै अगाडी थप्पड हानिदिएकी हुन् ।

पाकिस्तानका पत्रकारहरुले रिपोर्टिङको क्रममा आफ्नो होस गुमाएको यो पहिलो पटक भने होइन । यसअघि पनि पाकिस्तानका का एक जना पत्रकार चान्द नवाबको भिडिओ पनि सामाजिक संजालमा व्यापक भाइरल बनेको थियो ।

चान्द नवाबको भिडिओ त्यो हदसम्म भाइरल भएको थियो कि बलिउड सुपरस्टार सलमान खानको फ्लिम ‘बजरंगी भाइजान मा उनको चरित्रलाई एक मुख्य पात्रकै रुपमा चित्रण गरिएको थियो ।