एक महिनादेखि प्रशासकीय अधिकृत बेपत्ता, नगरपालिकाले बन्द गर्‍यो सेवा

बारा । बाराको पचरौता नगरपालिकाका प्रमुख प्रशासकीय अधिकृत करिब एक महिनादेखि सम्पर्कविहीन छन् ।

नगरपालिकाका प्रमुख प्रशासकीय अधिकृत श्यामप्रसाद यादव एक महिनादेखि सम्पर्कविहीन भएपछि नगरका अति आवश्यकीय सेवा समेत आजबाट बन्द भएको छ ।

प्रमुख प्रशासकीय अधिकृत नहुँदा आर्थिक वर्ष २०७९/८० को नगरसभा समेत भएको छैन ।

यस्तै, करारमा नयाँ कर्मचारी पदपूर्ति तथा करार नविकरण समेत नहुँदा पचरौता नगरपालिकाको सेवा अवरुद्ध भएको हो ।

नगरपालिकामा करारका ९८ जना कर्मचारी छन् तर, प्रमुख प्रशासकीय अधिकृत नहुँदा उनीहरूको करार नविकरण हुन नसकेको नगर प्रमुख जलन्धर सिंह जैसवारले जारी गरेको सूचनामा उल्लेख छ ।

अधिकृत यादव विना जानकारी सम्पर्कविहिन भएपछि स्वास्थ्यका कर्मचारीहरूको करार सेवा १ साउनदेखि थप गर्नुपर्नेमा सो समेत हुन सकेको छैन ।

नगरपालिकाअन्तर्गतका नगर अस्पताल, नगरले सञ्चालन गरेको बर्थिङ सेन्टर र ल्याबको सम्पूर्ण सेवा बन्द भएको नगर प्रमुख जैसवालले बताए ।

‘प्रमुख प्रशासकीय अधिकृत यादवको गैरजिम्मेवारीपूर्ण व्यवहारले नगरपालिकाको काम रोकिएको छ । गत ७ असारबाट सम्पर्किविहीन अधिकृत हालसम्ममा सम्पर्कमा आएका छैनन्,’ नगर प्रमुख जैसवालले भने ।

नगरभित्रका अस्पतालमा २३ जना कर्मचारी छन् तिमध्ये २२ जना करारका छन् ।

यस्तो छ सूचनाः