सिरहामा एकै दिन इनारमा पुरुष र नदीमा महिलाको शव फेला

जनकपुरधाम । सिरहामा एकै दिन दुई जना मृत अवस्थामा फेला परेका छन् ।

गोलबजार नगरपालिका ९ स्थित इनारमा एक पुरुष र विष्णुपुर गाउँपालिकाको कटनियाँ नदीमा एक महिलाको शव फेला परेको हो ।

इनारमा फेला परेका शव स्थानीय ४५ वर्षीय रामजतन पासवानको रहेको जिल्ला प्रहरी कार्यालय सिरहाले जनाएको छ । उनी शुक्रबार बेलुकादेखि हराइरहेका थिए । इनार नजिक चप्पल र गञ्जी फेला परेकाले घटना शंकास्पद रहेको प्रहरीको भनाई छ ।

त्यस्तै, कटनियाँ नदीमा मृत अवस्थामा भेटिएकी महिलाको पहिचान खुल्न सकेको छैन ।