पाल्पामा बस दुर्घटना: ६ जनाको मृत्यु, १७ घाइते
नेपाल प्रेस
२०७९ साउन ८ गते १९:११
रुपन्देही । आइतबार दिउसो पाल्पाको रिब्दीकोट गाउँपालिका वडा नं २ लघुवामा भएको बस दुर्घटनामा ६ जनाको मृत्यु भएको छ भने१७ जना घाइते भएका छन् ।
गुल्मीको मजुवाबाट बुटवल आउँदै गरेको लु १ ख ५९५२ नम्बरको बस पाल्पाको रिब्दीकोट २ मा दुर्घटना हुँदा ३ महिला, ३ पुरुष गरी ६ जनाको मृत्यु भएको घटनास्थल रहेका प्रहरी उपरीक्षक जनकबहादुर शाहीले जानकारी दिए । मृतकको अझै सनाखत भएको छैन ।
घटनामा घाइते गम्भीर भएकाले मृतकको संख्या बढ्न सक्ने स्थानीयको भनाइ छ ।
घटनास्थलमा रहेका घाइतेका अनुसार अर्को बसलाई साइड दिने क्रममा बस दुर्घटनामा परेको थियो ।
वडा नं २ का वडाध्यक्ष ओमप्रसाद पोखरेलका अनुसार घाइतेलाई उद्धार गरी पाल्पा मिसनमा पठाइएको र उनीहरूमध्ये केहीको अवस्था गम्भीर रहेको छ ।
नेपाल प्रेस
प्रकाशित: २०७९ साउन ८ गते १९:११
प्रतिक्रिया
सम्बन्धित खवर
