प्रधानमन्त्री देउवाविरुद्ध नाराबाजी गर्नेहरू को हुन् ?

काठमाडौं । प्रधानमन्त्री शेरबहादुर देउवाविरुद्ध नाराबाजी गरेको आरोपमा तीन जना पक्राउ परेका छन् ।

प्रधानमन्त्री देउवा सहभागी एक कार्यक्रममा उनीविरुद्ध नाराबाजी गरेको आरोपमा प्रहरीले तीनजनालाई पक्राउ गरेको हो । पक्राउ पर्नेमा अर्जुन पौडेल, सोम शर्मा र विप्लव खड्का रहेका छन्। प्रहरीका अनुसार उनीहरूले आफूलाई स्वतन्त्र नागरिक बताएका छन् ।

काठमाडौं प्रहरी कार्यालयका प्रमुख भरतबहादुर बोहराले पक्राउ परेका तीनै जनालाई मालिगाउँ प्रहरी वृत्तमा राखिएको बताए ।

भीमसेन थापा स्मृति प्रतिष्ठानले कमलादीमा आयोजना गरेको एक कार्यक्रममा उनीहरुले नागरिकता विधेयकको विरोध गर्दै प्ले कार्डसमेत देखाएका थिए ।