नागपोखरीमा नागपञ्चमीको रौनक (तस्बिरहरू\भिडिओ)

काठमाडौं । भगवान् शिवको रक्षाकवचका रूपमा मानिने नागको पूजा गरी आज नागपञ्चमी पर्व मनाइँदै छ । हरेक वर्ष साउन शुक्ल पञ्चमीका दिन घरघरमा नागको चित्र टाँस्ने, नागपोखरी र नाग थानहरूमा गएर पूजा गर्ने प्रचलन छ ।

आठ प्रकारका नागको पूजा गरी दूवो, गाई दूघ, घिउ र भेटी चढाउनुका साथै कुल नाग थानमा विशेष पूजा गरी खीर, रोटीलगायत प्रसाद अर्पण गरिन्छ । गाईको गोबर भएको स्थानमा नागको भय नहुने भएकाले पनि गोबरको विशेष महत्व रहेको शास्त्रमा उल्लेख छ ।

आजको दिन घरको मूल ढोकामाथि नागको चित्र टाँस्नाले नाग खुसी हुने र वर्षभरि नै चट्याङ, आगलागीजस्ता दुर्घटना हुन नदिने तथा सर्प विच्छीजस्ता घातक जीवबाट रक्षा हुने शास्त्रीय मान्यता पाइन्छ ।

वैदिक ग्रन्थमा अनन्त, वासुकी, शेष, पधद्म, कम्बला, कर्कोटक, अश्वभतरा, धृतराट्र, शङ्कपला, कालिया, तक्षक र पिङ्गला गरी १२ प्रकारका १२ प्रकारका नागहरूको व्याख्या गरिएको छ ।

यसैक्रममा आजको दिन पशुपतिको बासुकी, नक्सालको नागपोखरी, टौदह, ललितपुरको धापाखेल नागदहलगायतका स्थानमा भक्तजनको भीड लाग्छ ।

नागपोखरीमा नागको पूजाका लागि पुगेका श्रद्धालुहरूको केही तस्बिर