पौडी खेल्ने क्रममा बेपत्ता युवककाे शव भेटियो

झापा । पौडी खेल्ने क्रममा बेपत्ता भएका युवकको शव भेटिएको छ । झापाको गौरदह नगरपालिका- ९ स्थित कमल खोलामा मंगलबार दिउँसो पौडी खेल्ने क्रममा बेपत्ता भएका १८ वर्षिय उज्वल खरेलको शव सशस्त्र प्रहरीले फेला परेको हो ।

आज बिहान साढे ८ बजे करीब २० फिट गहिरो पानी मुनि उनको शव फेला पारेको सशस्त्र प्रहरीले जनाएकाे छ।

कमल गाँउपालिका १ बस्ने खरेल खोलामा पौडी खेल्दाखेल्दै एक्कासी बेपत्ता भएपछि सशस्त्र प्रहरी नम्बर १ बराह बाहिनी मुख्यालय सुनसरीबाट गोताखोरसहितको सशस्त्र प्रहरी र सशस्त्र प्रहरी बल नेपाल सुरक्षा बेस बैगुनधुराबाट खटिएको टोली उनको खोजी कार्यमा जुटेको थियो ।