कर्मचारी नेता भोला पोखरेल एमालेमा फर्किए

काठमाडौं । निजामती कर्मचारीका नेता भोला पोखरेल नेकपा एमालेमै फर्किएका छन् ।

कर्मचारी वृत्तमा लामो समयदेखि माधव नेपालका विश्वास पात्र मानिएका पोखरेल केही अगुवा पेशाकर्मीसहित एमालेमै फर्किएका हुन् । उनी नेकपा एसका केन्द्रीय लेखा आयोगका सदस्यसमेत थिए ।

पोखरेललाई एमाले अध्यक्ष केपी शर्मा ओली, महासचिव शंकर पोखरेल, उपमहासचिव विष्णु रिमाललगायतका नेताहरूले पार्टीमा स्वागत गरे ।

कर्मचारीको आधिकारिक ट्रेड युनियन महासंघका नेतासमेत रहेका पोखरेलले कम्युनिष्ट आन्दोलनको रक्षा गर्ने यात्राका लागि मूलघर फर्केको बताए ।