‘२ नम्बरी’को टिजर सार्वजनिक

काठमाडौं । दीपेन्द्र लामाको लेखन तथा निर्देशनमा तयार भएको चलचित्र ‘२ नम्बरी’को टिजर सार्वजनिक भएको छ । चलचित्र असोज २१ गतेबाट रिलिज गर्ने तयारी गरिर्एको छ ।

चलचित्रको ट्रेलरमा मुख्य कलाकारहरू दयाहाङ राई र सौगात मल्लबिचको मित्रतालाई देखाइएको छ । साथमा, दयासँग उगेन छोदेन र सौगातसँग उपासना सिंह ठकुरीबिचको प्रेमकथालाई समेत रमाइलो शैलीमा देखाइएको छ ।

चलचित्रमा सौगात मल्लको गेट अप र संवाद बोल्ने शैली समेत फरक छ । यसले दर्शकलाई आकर्षित गर्न सक्छ । चलचित्रमा यी चार कलाकारको साथमा बुद्धि तामाङ, पुष्कर गुरुङ, श्रेयस पौडेल, शारदा गिरी, कविता आले, प्रकाश घिमिरे, सुष्मा निरौला, विश्वास गुरुङ, डीबी गुरुङ, जयनन्द लामा, राजु थापामगर, सागर शाह ठकुरी, सतिस सिंह कार्की, गणेश बस्याल र राजकुमार राईको अभिनय छ ।

सुशन प्रजापतिको छायांकन रहेको चलचित्रमा निमेष श्रेष्ठको सम्पादन, जयन जे वाइवाको संगीत छ ।

चलचित्रमा दीपक मनाङ्गे, अमलादेवी राई र जयश श्रेष्ठको लगानी छ । किरण नेपाली प्रस्तुतकर्ता रहेको चलचित्रमा सरोज नेपाली कार्यकारी निर्माता र मिठु तामाङ्नी सह–निर्माताको रूपमा छिन् ।