रामबाबु गुरुङको निर्देशनमा ‘फूलबारी’ घाेषणा, काे- काे छन् कलाकार ?

काठमाडौं । कबड्डी फेम निर्देशक रामबाबु गुरुङ नयाँ चलचित्र निर्देशनमा जुटेका छन् । गुरुङको निर्देशनमा बन्ने फूलबारी चलचित्रको बुधबार घोषणा भएको छ। सोल्टीमोडस्थित हायात प्यालेसमा एक विशेष कार्यक्रम आयोजना गरी नयाँ सिनेमाको घोषणा गरेको हो ।

उक्त चलचित्रकाे कथा उपेन्द्र सुब्बाले लेखेका हुन् ।  सामाजिक नेपाली कथामा  आधारित उक्त चलचित्रमा विपीन कार्की, दयाहाङ राई, मिरुना मगर र प्रियंका कार्कीकाे  मुख्य भुमिका रहेकाे छ ।

झन्डै दुई वर्षको ग्यापपछि प्रियंकाले पहिलो चलचित्र साइन गरेकी हुन् । चलचित्र यशोदा फिल्मकाे ब्यानरमा निर्माण हुन लागेको हो । फुलबारीको छायांकन भदौ  पहिलाेसातादेखि शुरु हुने निर्माण पक्षले बताएको छ ।

गुरुङले निर्देशन गरेको कबड्डी सिरिज निकै सफल मानिएको छ । कबड्डी ४ त अहिलेसम्मकै सबैभन्दा धेरै कमाउने नेपाली चलचित्रमा पहिलो नम्बरमा छ ।