महानगरसमक्ष फुटपाथ व्यवसायीले राखे तीन बुँदे माग
नेपाल प्रेस
२०७९ भदौ ७ गते १३:४९
काठमाडौं । फुटपाथ व्यवसायीहरू सहज रूपमा व्यापार व्यवसाय गर्न पाउनुपर्ने माग गर्दै काठमाडौं महानगरपालिका कार्यालय पुगेका छन् ।
आफूहरूले गर्दै आएको व्यवसायको अभिलेखीकरण गर्नुपर्ने, मापदण्ड बनाएर राज्यले व्यवस्थापन गर्नुपर्ने मागसहित उनीहरूले महानगरलाई ज्ञापन पत्र समेत बुझाएका छन् ।
महानगरपालिकाले फुटपाथ व्यवसायीहरूलाई उठाउन थालेपछि उनीहरू संगठित बन्न थालेका हुन् ।
स्वास्थ्य राष्ट्रवादी स्वरोजगार श्रमिक संघर्ष समिति गठन नै गरेर व्यवसायीहरू महानगर पुगेका हुन् ।
यस्ता छन् उनीहरूले राखेका तीन बुँदे माग
- सडक किनारामा स्वरोजगार गरिरहेका सम्पूर्ण श्रमिकहरूको राज्यले अभिलेखीकरण गरी परिचयपत्र उपलब्ध गराउनुपर्ने
- स्वरोजगार श्रमिकहरूलाई मापदण्ड बनाइ समुचित व्यवस्थापन राज्यले गर्नुपर्छ । बिना विकल्प विस्थापित गर्न पाइँदैन
- राज्य प्रशासनबाट भइरहेको अमानवीय गतिविधिहरू बन्द गरी स्वरोजगार श्रमिकहरू र राज्यकाबीचमा भयका सम्झौताहरू कार्यान्वयन गर्नुपर्ने
तस्बिरहरु : गाैरव पाैडेल
नेपाल प्रेस
प्रकाशित: २०७९ भदौ ७ गते १३:४९
प्रतिक्रिया
सम्बन्धित खवर
