ओलीको निर्देशन- उम्मेदवार हुने जित्न लाग्नुस्, नहुने जिताउन लाग्नुस् अर्को अवसर आउँछ

काठमाडौं । नेकपा एमालेका अध्यक्ष केपी शर्मा ओलीले चुनावमा टिकट सीमित व्यक्तिले मात्र पाउने भन्दै टिकट नपाउनेहरूले धैर्य नगर्ने हो भने पार्टी र सम्बन्धित व्यक्तिलाई समेत क्षति हुने बताएका छन् ।

पर्सा जिल्लाका विभिन्न दलबाट एमालेमा प्रवेश गरेका नेता कार्यकर्तालाई स्वागत गर्दै अध्यक्ष ओलीले उम्मेदवार हुन नपाउनेहरू हराउन लाग्ने हो भने त्यसले सबैलाई घाटा हुने र फाइदा विरोधीलाई मात्र हुने बताए ।

ओलीले भने– उम्मेदवार हुने जित्न लाग्नुस्, नहुने जिताउन लाग्नुस् । उम्मेदवार नहुने हराउन लाग्ने हो भने घाटा सबैलाई हो । हामी एकजुट भयौँ भने जहाँ पनि जित्न सक्छौँ । हाम्रो सरकार बन्यो भने अरू ठाउँमा अवसर मिल्छ ।

ओलीले एमाले जति एकजुट हुने हो भने कसैले हराउन नसक्ने दाबी गरे ।ओलीले चुनावमा अन्तर्घात गर्ने सबैको रेकर्ड राखिने भन्दै कसैलाई पनि त्यसबाट फाइदा नहुने बताए ।