एमालेको पोलिटब्यूरो बैठक बस्दै

काठमाडौं । नेकपा एमालेको पोलिटब्यूरो बैठक आज बस्दैछ। केन्द्रीय कमिटीको पाँचौँ बैठकमा प्रस्तुत गर्ने राजनीतिक प्रतिवेदनका बारेमा  जानकरी दिन  ११ बजे ललितपुर च्यासलस्थित पार्टी कार्यालयमा बैठक बस्न लागेको हो ।

बैठकमा पार्टी अध्यक्ष केपी शर्मा ओलीले भोलिदेखि सुरु हुने केन्द्रीय कमिटीको पाँचौँ बैठकमा प्रस्तुत गर्ने राजनीतिक प्रतिवेदनका बारेमा जानकारी दिने एजेण्डा रहेको प्रचार विभागका प्रमुख विष्णु रिजालले बताए ।

भोलि र पर्सि  दुई दिन केन्द्रीय कमिटी बैठक बस्दैछ । यस्तै १२ गते केन्द्रीय निर्वाचन परिचालन कमिटी बैठक आयोजना हुँदैछन् ।

यसअघि मंगलबार बसेको स्थायी कमिटीको बैठकले आसन्न प्रतिनिधिसभा तथा प्रदेशसभा निर्वाचनको तयारी एवं रणनीतिबारे छलफल गरेको थियो ।