काठमाडौं महानगरले वनस्थलीमा पनि चलायो डोजर

काठमाडौं । काठमाडौं महानगरपालिकाले वनस्थलीस्थित ढुङ्गेधाराको अवैध संरचनामा डोजर चलाएको छ ।

नक्सा पास नगरी बनाइएका ती संरचना महानगरले डोजर प्रयोग गरी भत्काउन थालेको हो । वनस्थली चोकबाट ढुङ्गेधारा जानेतर्फ रहेको ‌अनधिकृत घर टहरा महानगरले भत्काउन थालिएको महानगरपालिकाले जानकारी दिएको छ ।

ढुङ्गेधारामा रहेकाे ओम साईबाबा अस्पतालकाे भर्याङ पनि भत्काएकाे छ । अवैध संरचना भत्काउन महानगरका एसपी  राजु पाण्डेकाे नेतृत्वमा टाेली खटिएकाे छ ।

महानगरले यसअघि३५ दिन भित्र अबैध स‌ंरचना हटाउन संरचना हटाउन निर्देशन दिएका थिए । यसअघि महानगरले बिहीबार बानेश्वरको अल्फाबिटाको संरचना हटाएको थियो भने बुधबार काठमाडौं महल अगाडिको संरचना हटाएको थियो ।