सांसद, पूर्वमन्त्रीसहित नेकपा एस र माओवादी नेता-कार्यकर्तालाई पार्टीमा स्वागत गर्न ओली धनगढीमा

कैलाली । नेकपा (एमाले) का अध्यक्ष केपी शर्मा कैलाली आएका छन् । संघीय सांसद र पूर्वमन्त्री लगायत नेकपा एस र माओवादीका नेता कार्यकर्तालाई पार्टीमा भित्र्याउन उनी कञ्चनपुरको कार्यक्रममा आएका हुन् ।

प्रतिनिधिसभा सदस्य बिना बुढाथोकी, नेकपा एकीकृत समाजवादीका निवर्तमान सुदूरपश्चिम अध्यक्ष विक्रम शाही, पूर्वमन्त्री तारा लामा तामाङ, वेदकोट नगरपालिकाका पूर्वमेयर अशोक चन्द, नेता वीरबहादुर बुढाथोकीलगायत आज एमाले प्रवेश गर्दैछन् ।

माओवादीबाट प्रभावशाली नेता शङ्करदत्त जोशी, मोहन गिरीलगायत दर्जनौं नेता कार्यकर्ता प्रवेश गर्ने तयारीमा रहेको एमालेले जनाएको छ ।

कैलाली र कञ्चनपुरको संयुक्त आयोजनामा कञ्चनपुरमा हुने कार्यक्रममा उनीहरूलाई प्रवेश गराइने बताइएको छ ।