विजय गच्छदारको क्षेत्रका प्रभावशाली कांग्रेस नेताहरु एमालेमा प्रवेश

काठमाडौं । कांग्रेसका विजयकुमार गच्छेदारका निर्वाचन क्षेत्र सुनसरी ३ मा प्रभावशाली नेताहरुसहित १५०० भन्दा बढी नेकपा एमालेमा प्रवेश गरेका छन् ।

कांग्रेस सुनसरी जिल्लाका सदस्यहरु टेकचन विश्वास, राम सेवक यादव, नेका सोनापुर गाउँ समितिको १५ वर्षसम्म सभापति बनेका अशोक केसी, नेका दुहवी नगर समितिका सदस्यहरु मिलि राम चौधरी, सति लाल उराँंव, नेका उद्योग वाणिज्य संघका केन्द्रीय सदस्य विशव गुरुविशव गुरुङलगायत क्षेत्र नं. ३ सुनसरीका दुहबी, गढी, बर्जु , एंव भुटाहा हरिनगरका १५०० बढी नेता कार्यकर्ता एमालेमा प्रवेश गरेका हुन् ।

टेकचन यसअघि राप्रपाबाट विजय गच्छेदारसँग चुनाव लडेका थिए । रामसेवक यादव दुई पटक अमडुवा गाउँ विकास समितिका नेकाबाट अध्यक्ष पदमा निर्वाचित भइसकेका हुन् ।

आज आयोजित एक समारोहमा उनीहरुलाई एमाले अध्यक्ष केपी शर्मा ओलीले पार्टीमा स्वागत गरेका हुन् ।