मोटरसाइकलको सिटमुनी र ट्यांकीमा लुकाएको स्रोत नखुलेको ७ लाखसहित एकजना पक्राउ
नेपाल प्रेस
२०७९ भदौ १९ गते १८:१८
जनकपुरधाम । भारतबाट मोटरसाइकलको सिटमुनी र ट्यांकीमा लुकाएर ल्याएको श्रोत नखुलेको ७ लाख नेपाली रूपैयाँसहित एक जनालाई पर्सा प्रहरीले पक्राउ गरेको छ ।
पक्राउ पर्नेमा बाराको जितपुरसिमरा उप–महानगरपालिका ७ का ५० वर्षीय हरिनारायण प्रसाद कुर्मी छन् । कुर्मी भारततको रक्सौलबाट वीरगञ्जतर्फ आउने क्रममा पक्राउ परेको पर्साका प्रहरी प्रवक्ता डिएसपी दिपक गिरीले जानकारी दिए ।
उनका अनुसार कुर्मी ना २८ प २८९० नम्बरको मोटरसाइकलमा आउँदै गर्दा शंका लागेर चेकजाँच गरेको र सो क्रममा बरामद भएको सातलाख रुपैयाँको स्रोत खुलाउन नसक्दा पक्राउ परेका छन् ।
पक्राउ परेका कुर्मीमाथि थप अनुसन्धान तथा कारबाही अगाडी बढाएको डिएसपी गिरीको भनाई छ ।
नेपाल प्रेस
प्रकाशित: २०७९ भदौ १९ गते १८:१८
प्रतिक्रिया
सम्बन्धित खवर
