भारतीय सेनाध्यक्ष पाण्डेको यस्तो छ आजको कार्यतालिका
नेपाल प्रेस
२०७९ भदौ २१ गते ६:४६
काठमाडौं । भारतीय स्थल सेनाध्याक्ष जनरल मनोज पाण्डेले आज प्रधानमन्त्री शेरबहादुर देउवासँग शिष्टाचार भेट गर्दै छन् । अपराह्न ३ बजे प्रधानमन्त्री देउवासँग उनले भेट गर्ने कार्यक्रम छ ।
पाँच दिने भ्रमणका क्रममा नेपाल आएका पाण्डेले आज बिहान माउन्टेन फ्लाइट गर्नेछन् । उनले शिवपुरीस्थित नेपाली सेनाको कमाण्ड तथा स्टाफ कलेजको भ्रमण गर्ने कार्यक्रम छ ।
आज साँझ उनी पशुपतिनाथको दर्शनमा जाने कार्यक्रम छ ।
पाण्डेलाई हिजो राष्ट्रपति विद्यादेवी भण्डारीले नेपाली सेनाको मानार्थ महारथी दर्जा प्रदान गरेकी थिइन् ।
नेपाल प्रेस
प्रकाशित: २०७९ भदौ २१ गते ६:४६
प्रतिक्रिया
सम्बन्धित खवर
