योगेशलाई जन्मदिनको शुभकामना दिँदै झाँक्रीले भनिन्- महत्वपूर्ण निर्णयमा अभाव हुनेरहेछ

काठमाडौं । नेकपा एमालेका सचिव तथा पूर्वमन्त्री योगेश भट्टराईको जन्मदिनमा नेकपा एसकी सचिव रामकुमारी झाँक्रीले लेखेको शुभकामना सन्देशले चर्चा पाएको छ ।

शुभकामना दिँदै झाँक्रीले नेता भट्टराईको अभाव महसुस भएको बताएकी छन् ।

उनले लेखेकी छन्, ‘ह्याप्पी वर्थ डे टु यु दाइ, मेनि मेनि ह्याप्पी रिटर्नस् अफ अ डेअहेड, आफैंले कुनै महत्वपूर्ण निर्णय लिने बेला अभाव महसुस हुनेरहेछ दाइ ।’

एक वर्ष नेकपा एमालेमा रहँदासम्म माधव नेपाल समूहमा रहेका दुई नेता अहिले अलग-अलग पार्टीमा छन् । नेकपा एसमा लागेर मन्त्री बनेकी नेतृ झाँक्री मन्त्रीबाट हटाइएपछि असनतुष्ट रहेर पार्टीका महत्वपूर्ण बैठकमा समेत अनुपस्थित भइन् ।